Archives de 10
22
Décembre
Dejunar de Nadal a la Calandreta Par Barbara Piquemal • Publié le 22/12/2017
Lo tradicional dejunar de Nadal se faguèt de matin, lo divendres de las vacanças... a la cantina polida (plan insonorizada, ara, mercé a la Comuna!!!) Pichòts e grands, ataulejats, tastèron lo dejunar de Nadal abans l'escambi costumièr de presents realizats entre enfants ... e tanben los presents de las classas portats per la brava soca de Nadal. Dòna Bancal e Brigitte venguèron per l'escasença a la Calandreta per partejar la fèsta amb nosautres. Un moment convivial per totes!
80 fichiers   0 commentaire
21
Décembre
Fèsta de Nadal... de l'escòla a l'E.H.P.A.D. Laurent Antoine Par Barbara Piquemal • Publié le 21/12/2017
Deman de ser, partirem far la fèsta de Nadal a l'E.H.P.A.D. Laurent Antoine. Partença de l'escòla a 17.30 amb los calelhons, totes darrièr lo grand caval e lo cavalet d'Agde que nos guidaràn al son dels pifres... Dins l'òrt, dança dels cavals, cants e ceremonia del "Cacha fuòc". Aperetiu e 13 desserts marcaràn la debuta de las vacanças! Bonas fèstas a totes!
1 fichier   0 commentaire
19
Décembre
Mercats de Nadal, lo dimars 19 e dijòus 22 de decembre a la Calandreta Par Barbara Piquemal • Publié le 19/12/2017
Dimars, lo primièr Mercat de Nadal foguèt una brava capitada... Los escolans vendèron una partida de lors produccions... Còcas, decoracions de Nadal, dodonets en teissut,... Tornaràn far aquest ser dins la cor de l'escòla! Venètz comprar, de causas novèlas vos espèran!!!... Los beneficis serviràn pels viatges escolars de fin d'annada!
31 fichiers   0 commentaire
30
Novembre
Partença per una ''quasi- retirada'' per la nòstra Brigitte bèla Par Barbara Piquemal • Publié le 30/11/2017
La nòstra " Grande Brigitte", ajuda mairala de Jessica e Sandrine, ongan, demandèt de partir de l'escòla per se pausar un pauc abans de començar una vertadièra retirada, plan meritada! Nos ofriguèt un gostar de ''partença'', dijòus de tantòst, amb totes los escolans, parents e collègas. Foguèt entre sorires e lagremas que partejèrem un moment fòrt... Los escolans i portèron de presents e de mercejaments... Brigitte nos daissèt un present tanben per l'òrt de l'escòla: un irangièr... Que doblirèm...
21 fichiers   0 commentaire
28
Novembre
Trista nòva pels ancians de la calandreta Par Barbara Piquemal • Publié le 28/11/2017
La ''nòstra Brigitte pichòta'' se'n anèt aprèp una lucha complicada contra la malautiá... Una ajuda mairala remarcabla pels escolans e una persona atentiva pels parents e per las collègas qu'aguèron l'astre de la conéisser... Nos demandèt de la plorar pas, de gardar son sorire, son vam positiu e de contunhar lo camin amb los escolans qu'es tan bon e bèl... Los enfants que la costejèron manquèron pas amb l'ajuda de Sylvia (mercé a ela per la fòrça de son iniciativa!) de li far una pichòta dedi...
2 fichiers   0 commentaire
24
Novembre
Castanhada a l'E.H.P.A.D. Par Barbara Piquemal • Publié le 24/11/2017
Divendres, la classa de T.P.S./P.S. e la classa de C.P./C.E.1. anèron portar lo blat de la Sta Barba e n'explicar la tradicion als seniors de l'E.H.P.A.D.. Un escambi a l'entorn de la primièra tradicion de Nadal, de cants occitans, e tanben d'una istòria contada de Nadal, embelida per un trabalh d'arts visualas, realizat per la classa dels pichòts. Aprèp una recreança dins l'òrt de l'E.H.P.A.D., dins l'espèra dels parents e de las autras classas, tornèron dintrar per una repeticion de Nadalet...
20 fichiers   0 commentaire
20
Novembre
Primièr tròc de libres a la Calandreta Novèla... Un escambi capitat! Par Barbara Piquemal • Publié le 20/11/2017
Jos la direccion de Luc, l'ajuda de Sabine e los conselhs de Sylvia... Lo primièr escambi de libres de l'annada a la Calandreta novèla foguèt una capitada vertadièra! Los escolans se son arregalats d'escambiar a l'entorn dels libres... Pichòts e bèls cerquèron, legiguèron, fintèron, agachèron, comentèron... albums, romans e revistas. Un moment agradiu e extraordinari entre miègjorn e doas oras, jos lo solelh e amb la venguda dels escolans d'Anatole France qu'èron tanben convidats e menats...
65 fichiers   0 commentaire
20
Novembre
Mobilizacion per gardar lo personal de l'escòla Par Barbara Piquemal • Publié le 20/11/2017
Aqueste matin, los pichons davalèron dins l'òrt e pas per jardinar... Tornar sortir los panèls de la primièra mobilizacion facha en octobre... Contra la supression dels contractes... Que permeton de gardar las nòstras ajudas, las nòstras cantinièras, la secretària... Una pausa novèla e una autra fotò per dire qu'avèm besonh d'elas per fonccionar plan a l'escòla!
1 fichier   0 commentaire
11
Novembre
La conferéncia teatralizada del T.D.O. per Martror e lo ritual de la fèsta... Par Barbara Piquemal • Publié le 11/11/2017
Martror 2017 se debanèt a la capèla per una conferéncia teatralizada menada pel Teatre De las Originas... Puèi, los calandrons menèron los parents defòra per partejar lo ritual de Martror... D'en primièr, cantèron e dancèron per sonar las armas ... Puèi, convidèron los parents a escriure als mòrts, una idèia, un sobenir, "per los que son partits!"... Fin finala, daissèrem partir los messatges dins lo cèl, al cap dels balons blancs... Abans de partejar l'Apast que preparèron la velha los enfan...
116 fichiers   0 commentaire
10
Novembre
Martror, la fèsta dels mòrts amb lo Teatre De las Originas a l'escòla, lo 10 de novembre Par Barbara Piquemal • Publié le 10/11/2017
Uèi, es la fèsta dels mòrts a la Calandreta Dagtenca... Los escolans de las quatre classas amb l'ajuda del Teatre De las Originas vos prepausan una conferéncia teatralizada e lo ritual de Martror...A la capèla e dins l'escòla... A partir de 6.00 del vèspre... Venètz amb nosautres, onorar los mòrts!
1 fichier   0 commentaire